Kryeministri izraelit Benjamin Netanyahu ka biseduar me presidentin amerikan Donald Trump për zhvillimet më të fundit në bisedimet me Iranin, duke theksuar se çdo marrëveshje përfundimtare duhet të eliminojë plotësisht kërcënimin bërthamor nga Irani. Ata ranë dakord që kjo do të kërkojë largimin e materialit të pasuruar bërthamor dhe çmontimin e objekteve të pasurimit bërthamor në Iran. Netanyahu gjithashtu theksoi se Trump riafirmoi të drejtën e Izraelit për t’u mbrojtur nga kërcënimet në çdo front, përfshirë edhe nga Libani. Ai nënvizoi se politika e tyre mbetet e pandryshuar: Irani nuk duhet të ketë armë bërthamore, dhe partneriteti mes Izraelit dhe SHBA-së është më i fortë se kurrë.