Në qarkun Orange të Kalifornisë, një incident i rrezikshëm kimik ka detyruar shpalljen e gjendjes së jashtëzakonshme dhe evakuimin e mijëra banorëve nga zona e Garden Grove dhe qyteteve përreth. Një rezervuar prej 7,000 galonësh me metil metakrilat, një substancë shumë e ndezshme dhe toksike, është në prag të shpërthimit, ndërsa ekipet e emergjencës po përpiqen ta ftohin dhe stabilizojnë situatën duke spërkatur ujë dhe duke ndërtuar barriera mbrojtëse për të parandaluar përhapjen e kimikateve në kanalet e ujërave të shiut dhe në oqean.