Gjatë 24 orëve të fundit, policia në mbarë vendin ka privuar nga liria 14 shoferë për drejtim të pakujdesshëm të automjetit. Ndër ta, tetë persona janë kapur duke vozitur pa patentë shoferi, tre nën ndikimin e alkoolit, një me ndalim aktiv për vozitje, një për tejkalim shpejtësie dhe një tjetër që kombinonte vozitjen pa patentë dhe nën ndikimin e alkoolit. Rastet janë regjistruar në qytete të ndryshme si Shkup, Manastir, Veles, Tetovë, Kavadar, Gostivar, Ohër, Kumanovë dhe Berovë. Policia apelon për respektimin e rregullave të trafikut dhe paralajmëron se ndaj të gjithë personave do të parashtrohen kallëzime penale për të rritur sigurinë në komunikacion.