Një ngjarje e rëndë ka ndodhur në Tiranë, ku një 17-vjeçar u plagos me armë zjarri gjatë natës. Sipas hetimeve paraprake, 19-vjeçari R.S. po i tregonte armën shokut të tij duke menduar se nuk kishte fishek, por arma u shkrep aksidentalisht dhe plagosi të miturin. Policia arrestoi autorin e dyshuar si dhe dy persona të tjerë që dyshohet se penguan zbardhjen e ngjarjes. 17-vjeçari ndodhet nën kujdesin e mjekëve në Spitalin e Traumës, ndërsa hetimet për sqarimin e plotë të rrethanave vazhdojnë.