Më 23 maj në Graçanicë, njësiti antidrogë i Policisë së Kosovës ndaloi një veturë me dy persona brenda, të dyshuar për posedim dhe shpërndarje të narkotikëve. Gjatë kontrollit, pasagjeri hodhi jashtë automjetit një qese me 81.8 gramë pluhur të bardhë, i dyshuar si kokainë, ndërsa vozitësi u gjet me 0.2 gramë kokainë. Pas arrestimit, me urdhër të prokurorit u kryen bastisje në tri lokacione të ndryshme, ku u sekuestrua edhe 0.2 gramë marihuanë, si dhe një telefon mobil dhe një pajisje elektronike DV. Të dy të dyshuarit janë intervistuar dhe më pas dërguar në mbajtje, ndërsa policia vazhdon hetimet për këtë rast.