Një shtetas shqiptar, Sefer Selimaj, i njohur edhe si Ani Ibraliu, është arrestuar në Itali në kuadër të operacionit të koduar “The Wanted”, falë bashkëpunimit të ngushtë ndërmjet Interpol Tiranës dhe Interpol Romës. Ai ishte i shpallur në kërkim ndërkombëtar pasi Gjykata e Apelit në Tiranë e kishte dënuar në vitin 2017 me 15 vjet burg për trafikim të qenieve njerëzore. Nga dënimi i tij i përgjithshëm, i kanë mbetur për të vuajtur 13 vjet, 10 muaj e 19 ditë burgim. Aktualisht po vijon bashkëpunimi mes autoriteteve shqiptare dhe italiane për finalizimin e procedurave të ekstradimit dhe transferimin e tij në Shqipëri për vuajtjen e pjesës së mbetur të dënimit.