Një e moshuar që jetonte e vetme në lagjen 4 të qytetit të Korçës u gjet e pajetë në banesën e saj pas tre ditësh pa kontakt me familjarët dhe fqinjët. Fqinjët, të shqetësuar nga mungesa e saj, njoftuan policinë, ndërsa forcat zjarrfikëse hapën derën e banesës ku u zbulua trupi i viktimës. Nga inspektimi paraprak u konstatuan shenja hematome në kokë, që dyshohet se janë shkaktuar nga një rrëzim fatal. Policia po kryen hetimet në vendngjarje, ndërsa trupi është dërguar në morg për ekspertizën mjeko-ligjore që do të përcaktojë shkakun e vdekjes.