Sot në fshatin Lladrovc të Komunës së Malishevë u inaugurua projekti “Dezinsektimi i Hapësirave të Ekspozuara ndaj Etheve Hemorragjike Krime-Kongo”. Ky projekt ka për qëllim ndërmarrjen e masave parandaluese për të mbrojtur shëndetin publik dhe për të reduktuar rrezikun e përhapjes së kësaj sëmundjeje serioze në zonat më të rrezikuara. Në ceremoninë e nisjes mori pjesë edhe Armend Muja, i cili theksoi rëndësinë e bashkëpunimit institucional për mbrojtjen e qytetarëve dhe zhvillimin e sektorit rural. Pritet që ky projekt të krijojë një ambient më të sigurt për banorët dhe të ndihmojë në parandalimin e përhapjes së sëmundjeve të transmetueshme në këtë rajon.