Policia e Vlorës finalizoi operacionin e koduar “Grupi”, duke arrestuar shtatë persona të dyshuar si anëtarë të një grupi kriminal me rrezikshmëri të lartë që vepronte në Vlorë dhe Fier. Mes të arrestuarve është edhe Turi Aligjoni, i dyshuar si autor i një plagosjeje me armë zjarri që ndodhi më 7 qershor në lagjen 24 Maji të Vlorës. Gjatë operacionit u sekuestruan armë zjarri, municion, automjete, përfshirë një të blinduar, celularë dhe një shumë parash. Hetimet dhe bashkëpunimi me Prokurorinë e Vlorës vijojnë për dokumentimin e plotë të aktivitetit kriminal dhe për veprime të mëtejshme ligjore.