Një ngjarje tronditëse po hetohet në qytetin Kynšperk nad Ohří të Çekisë, ku pjesë të një foshnje të porsalindur u gjetën në një kopsht pranë një shtëpie. Një grua 35-vjeçare u arrestua nën dyshimin për vrasjen e fëmijës së saj të porsalindur, ndërsa hetuesit po shqyrtojnë mundësinë që ajo t’u ketë hedhur mbetjet qenve për t’i ngrënë. Zbulimi i pjesëve të foshnjës dhe mungesa e trupit të plotë shkaktuan një operacion të gjerë policor në zonë, ku u kontrolluan kopshtet dhe kontejnerët e mbeturinave. Rasti ka tronditur komunitetin lokal dhe ka ngritur shqetësime të thella për motivet dhe rrethanat e kësaj ngjarjeje të rëndë.