Gjatë një fluturimi nga Kosova drejt Milanos, një pasagjere përjetoi një përkeqësim të papritur të gjendjes shëndetësore, duke pasur të vjella dhe duke humbur ndjenjat për shkak të tensionit të ulët të gjakut. Në bord ndodhej doktori Driton Miftari nga Mitrovica, i cili ndërhyri menjëherë me ndihmën e parë mjekësore. Falë reagimit të tij të shpejtë dhe profesional, gjendja e gruas u stabilizua dhe u shmangën komplikimet serioze. Ky rast tregon jo vetëm aftësitë profesionale të mjekut, por edhe dimensionin human dhe etik të misionit të tij.