Një nga figurat më të përfolura në skandalin e Jeffrey Epsteinit, Nadia Marcinko, është rikthyer në qendër të vëmendjes pas pretendimeve të reja nga avokatët e viktimave që kërkojnë të merret në pyetje për informacion mbi rrjetin e tij. Dokumentet tregojnë se ajo ka qenë pjesë e rrethit të ngushtë të Epsteinit dhe e ka vizituar atë 67 herë gjatë kohës që ai ishte në burg, duke ngjallur dyshime mbi rolin e saj. Ndërsa avokatët e saj e paraqesin si viktimë, disa përfaqësues të viktimave pretendojnë se ajo mund të ketë pasur një rol aktiv, përfshirë rekrutimin e vajzave të reja. Hetimet vazhdojnë, ndërsa autoritetet amerikane po kërkojnë të zbardhin plotësisht rrjetin e Epsteinit dhe personat e përfshirë në këtë çështje të ndjeshme ndërkombëtare.