Në bashkëpunim me Teatrin e Qytetit “Hadi Shehu”, Shkolla e Baletit Angels në Gjakovë do të sjellë premierën e baletit klasik “Liqeni i Mjellmave” më 21 qershor në orën 19:00. Kjo vepër e njohur botërore përshkruan një histori dashurie, sakrifice dhe triumfi të dritës mbi errësirën, e interpretuar nga balerinët e rinj dhe artistë të ftuar nga rajoni. Koreografia është punuar nga Sead Vuniqi dhe Vlora Prizreni, ndërsa në rolet kryesore do të shfaqen Elsa Resuli nga Teatri i Operës në Tiranë si Odeta, Jarmando Meci si Princi dhe Sead Vuniqi si Von Rothbart. Ky event artistik do të sjellë në skenë elegancën e baletit dhe muzikën e pavdekshme të Çajkovskit, duke premtuar një mbrëmje të paharrueshme për publiku në Gjakovë.