Psikologu është një profesionist që, përmes intervistave dhe vëzhgimeve, ndihmon në kuptimin e personalitetit të fëmijës dhe identifikimin e sfidave të tij. Në rastet më të rënda, ku diagnoza është komplekse, mund të kërkohet edhe ndërhyrja e psikiatrit dhe mbështetja e mësuesve të edukimit special në shkollë. Shenja kryesore që tregon nevojën për konsultë është ndryshimi i sjelljes së fëmijës, sidomos nëse ai shfaq frikëra, agresivitet, izolim, apo vështirësi në përqendrim për një periudhë të gjatë. Gjithashtu, simptomat fizike si dhimbjet e stomakut, të vjellat apo dhimbjet e kokës, së bashku me rënien në shkollë dhe humbjen e interesit për aktivitetet e përditshme, janë tregues që prindërit duhet të kërkojnë ndihmë profesionale.