Nga 11 deri më 14 qershor 2026 mbahet edicioni i tretë i “Peja Outdoor Festival”, ngjarja më e madhe në Kosovë për aktivitete në natyrë, rekreacion dhe turizëm aktiv. Gjatë katër ditëve në Pejë dhe Rugovë do të zhvillohen mbi 40 aktivitete sportive, kulturore dhe edukative, duke përfshirë ecje malore, çiklizëm, paragliding dhe punëtori tradicionale, shumica pa pagesë ose me tarifa simbolike. Një risia kryesore e këtij viti është gara e parë “Peja Trail Run” më 14 qershor, me rreth 300 pjesëmarrës nga Kosova dhe jashtë saj, që do të zhvillohet në dy distanca prej 10 dhe 23 kilometrash. Festivali synon të promovojë Pejën dhe rajonin e Rugovës si destinacion për turizëm aktiv dhe sportiv, duke përfshirë komunitetin lokal, shoqatat sportive, guidat malore dhe vullnetarët në organizim dhe realizim.