Një studim i Universitetit Shtetëror në Pensilvani shpjegon se mungesa e dritës në ditët me shi ul prodhimin e serotoninës dhe rrit atë të melatoninës, hormone që ndikojnë drejtpërdrejt në humor dhe vigjilencë. Kjo bën që njerëzit të ndihen më të lodhur dhe të përgjumur gjatë këtyre ditëve. Një tjetër studim nga Universiteti Rochester tregon se netët me shi ndikojnë në cilësinë e gjumit, duke bërë që njerëzit të flenë më pak dhe të zgjohen të lodhur. Për më tepër, tingujt ritmikë të shiut veprojnë si ninulla qetësuese, duke shtuar ndjesinë e përgjumjes gjatë ditës.