Javën e kaluar, ministri i Jashtëm në detyrë, Glauk Konjufca, përdori termin “frizerkë” gjatë një tubimi në Ferizaj, duke shkaktuar reagime të shumta në opinion për shkak të aludimit ndaj ish-presidentes Vjosa Osmani. Pas kritikave, Konjufca u përpoq të sqarojë deklaratën duke e quajtur përdorimin e fjalës si ndërhyrje të një “pseudogazetari”. Së fundmi, kryeministri në detyrë, Albin Kurti, është parë në krah të këtij “pseudogazetari” gjatë një tubimi në Zvicër, duke ngjallur reagime të reja në publik. Gazetari Shkumbin Kajtazi komentoi se Kurti duket se mbështet këtë qasje, duke qëndruar pranë “pseudogazetarit” dhe duke sfiduar arsyetimet e Konjufcës.