Kandidati për kryeministër nga Lëvizja Vetëvendosje, Albin Kurti, ka prezantuar programin e tij për mandatin e ardhshëm qeverisës, duke përfshirë masa të reja për pagat e punëtorëve. Ai njoftoi se nga viti 2026 do të fillojë rregullimi ligjor i pagës së 13 për sektorin publik dhe privat, duke synuar një zbatim të barabartë në të dy sektorët. Përveç kësaj, Kurti theksoi se në bashkëpunim me punëtorët dhe bizneset do të planifikohet gradualisht edhe paga e 14, duke u përpjekur për përmirësimin e kushteve financiare të punëtorëve. Deri tani, paga e 13-të është dhënë vetëm për sektorin publik, ndërsa sektori privat nuk e ka përfituar këtë përfitim.