Kryeministri Hristijan Mickoski shprehu pakënaqësinë e tij ndaj mënyrës se si funksionojnë institucionet e drejtësisë, duke theksuar nevojën për reagim më të shpejtë nga Prokuroria. Ai paralajmëroi se durimi ndaj atyre që “shpik arsyetime” dhe vonojnë drejtësinë po shteron, duke kërkuar veprime konkrete për të ndaluar pasurimin e paligjshëm në kurriz të qytetarëve. Mickoski theksoi se nuk do të heshtë për gabimet e institucioneve dhe do të vazhdojë presionin për sundim të ligjit dhe drejtësi të vërtetë. Ai e konsideron këtë moment si shansin e fundit për të krijuar një sistem drejtësie që do të mbetet i qëndrueshëm për brezat e ardhshëm.