Ushtruesja e detyrës së shefes së Bashkimit Evropian në Kosovë, Eva Palatova, vizitoi Qendrën e Numërimit Komunal në Prishtinë për të ndjekur nga afër procesin e numërimit të votave pas zgjedhjeve të së dielës. Ajo ishte e shoqëruar nga ambasadori i Mbretërisë së Bashkuar, Jonathan Hargreaves, në kuadër të vëzhgimit diplomatik të koordinuar nga BE-ja. Palatova theksoi rëndësinë e numërimit dhe certifikimit të rezultateve si pjesë thelbësore e integritetit të zgjedhjeve dhe vlerësoi angazhimin e partive politike dhe organizatave të shoqërisë civile në këtë proces. Vizita u zhvillua ndërkohë që po vazhdon numërimi në qendrat komunale, duke siguruar transparencë dhe besueshmëri në procesin zgjedhor.