Më 9 qershor 1999 u nënshkrua marrëveshja ushtarako-teknike e Kumanovës, e cila shënoi fundin e luftës në Kosovë dhe kapitullimin e forcave serbe. Me këtë marrëveshje, Serbia u detyrua të tërhiqte të gjitha forcat e saj policore dhe ushtarake nga territori i Kosovës, ndërsa NATO-ja vendosi një mision paqeruajtës me mbi 37 mijë ushtarë nga 36 vende. Marrëveshja parashikonte largimin e të gjitha forcave ushtarake dhe paramilitare serbe, krijimin e zonave të sigurta pranë kufirit dhe vendosjen e një misioni të përkohshëm të OKB-së për administrimin e Kosovës. Pas hyrjes së NATO-s, filloi edhe shpërbërja e Ushtrisë Çlirimtare të Kosovës dhe transformimi i saj në Trupat Mbrojtëse të Kosovës, duke shënuar një fazë të re në historinë e vendit.