Ish-ambasadori i NATO-s Nano Ruzhin thekson se Bashkimi Evropian po përballet me sfida të mëdha në procesin e zgjerimit, ku dy koncepte të ndryshme kanë krijuar frustrime në vendet e Ballkanit Perëndimor. Nga njëra anë është modeli tradicional i bazuar në kriteret e Kopenhagenit, ndërsa nga ana tjetër qasja gjeopolitike që ka favorizuar Ukrainën dhe Moldavinë për një afrimit më të shpejtë me BE-në. Kjo situatë ka detyruar BE-në të kërkojë një model të ri, integrimin gradual, si një alternativë teknike për të përballuar ngecjen në zgjerim. Ruzhin vlerëson se periudha nga viti 2004 deri më sot ka qenë e pasuksesshme për pranimin e anëtarëve të rinj, duke nënvizuar nevojën për një qasje të re në një realitet gjeopolitik të ndryshuar pas agresionit rus ndaj Ukrainës.