Kryeministri Edi Rama u përplas ashpër me një gazetare rumune gjatë një konference për shtyp me gazetarë evropianë, lidhur me projektet në Ishullin e Sazanit dhe bregdetin e Zvërnecit. Gazetarja e pyeti nëse projekti në bregdet ishte anuluar apo pezulluar, duke i referuar një deklarate të mëparshme të Ramës, por ky i fundit mohoi kategorikisht që të ketë pasur ndonjë projekt për t’u anuluar. Ai akuzoi gazetaren se kishte ardhur me "kokën plot me gënjeshtra" dhe se informacionet e saj i kishin "bllokuar trurin". Rama theksoi se nuk pranon asnjë pretendim për anulim projekti, duke kërkuar që të tregohet diçka që ai nuk e ka thënë kurrë.