Ministria e Brendshme e Maqedonisë ka sqaruar se nuk ka asnjë lidhje midis raportimeve të rreme për bomba në qendrat tregtare në Shkup dhe atyre në shkolla në Kroaci, Serbi, Mal të Zi dhe Bosnjë e Hercegovinë. Analizat e IP adresave dhe emailave nga të cilat janë dërguar kërcënimet tregojnë se ato nuk përputhen, duke përjashtuar një lidhje të drejtpërdrejtë mes këtyre incidenteve. Sipas MPB-së, nuk ka një rritje të sulmeve hibride me kërcënime për bomba në Maqedoni dhe janë ndërmarrë masa për të ulur panikun tek qytetarët. Për këtë qëllim, janë përditësuar Udhëzimet për Procedurat dhe Masat që trajtojnë raportet e rreme, veçanërisht ato të dërguara përmes email-it.