Në pikën kufitare ndërmjet Kosovës dhe Maqedonisë së Veriut është regjistruar një bllokim i sistemit elektronik, i cili ka shkaktuar pritje të gjata për qytetarët që duan të kalojnë kufirin. Sipas raportimeve dhe fotografive të dërguara nga qytetarët, kolonat e automjeteve janë të gjata dhe pritjet tejkalojnë dy orë. Problemi teknik në palën maqedonase ka ndalur procesin e kalimit të kufirit, duke shkaktuar vonesa dhe shqetësime për udhëtarët. Autoritetet maqedonase ende nuk kanë dhënë një njoftim zyrtar për arsyet e defektit apo kohën e rikthimit të sistemit në funksion normal.