Pas shumë përfoljesh dhe thashethemesh, Bora Zemani dhe Donald Veshaj kanë vendosur të kurorëzojnë dashurinë e tyre me martesë në muajin korrik. Burime pranë çiftit konfirmojnë se ceremonia do të mbahet në jug të Shqipërisë, buzë detit, në një ambient të ngrohtë dhe me praninë e miqve më të afërt. Ndërsa Bora ka tentuar të zbusë zërat për dasmën, Donaldi ka dhënë konfirmimin gjatë një interviste të hapur në emisionin “Më lër të flas”, ku foli edhe për planet e zgjerimit të familjes. Çifti është në fazën e diskutimeve për detajet e organizimit, duke përfshirë edhe numrin e të ftuarve, ku mendimet e tyre nuk përputhen gjithmonë.