Këngëtarja e njohur botërore Dua Lipa dhe aktori Callum Turner festuan martesën e tyre në një ceremoni luksoze në “Villa Valguarnera” në Siçili, Itali. Festimet, që zgjatën tre ditë, u shoqëruan me një surprizë të veçantë nga komuniteti arbëresh i zonës “Piana degli Albanesi”, i cili dërgoi një delegacion prej dhjetë vajzash të veshura me kostume tradicionale për të nderuar nusen shqiptare. Ato interpretuan këngë arbëreshe, duke sjellë një atmosferë të ngrohtë dhe duke theksuar lidhjet kulturore mes komunitetit dhe Dua Lipës. Përveç muzikës, artistët vendas i dhuruan çiftit një kujtim të çmuar: vathët tradicionalë “Panieri”, të punuar me dorë, që simbolizojnë trashëgiminë e pasur kulturore arbëreshe dhe lidhjen e fortë të komunitetit me figurën ndërkombëtare shqiptare.