Edicioni i tretë i reality show-t “Ferma VIP” pritet të përfundojë më herët se sa ishte paralajmëruar fillimisht, duke zgjatur rreth 80 ditë në vend të 100 ditëve të planifikuara. Data e finales është parashikuar të jetë në mesin e muajit qershor, me opsionet kryesore 15 dhe 19 qershori, ku do të ndahet edhe çmimi i madh për fituesin. Ky ndryshim strategjik në planin e produksionit lidhet me nisjen e sezonit veror dhe Kampionatin Botëror të Futbollit, që pritet të tërheqë vëmendjen e madhe të publikut. Produksioni synon që spektakli të përfundojë në kulmin e shikueshmërisë, përpara se audienca të zhvendoset drejt ngjarjeve sportive.