Presidenti i Federatës së Futbollit të Kosovës, Agim Ademi, ka nisur udhëtimin drejt Mexico City, ku do të marrë pjesë në ndeshjen hapëse të Kupës së Botës 2026 mes Meksikës dhe Afrikës së Jugut, me ftesë të presidentit të FIFA-s, Gianni Infantino. Ky qytet ka një rëndësi të veçantë për Kosovën, pasi aty u pranua si anëtare e barabartë e FIFA-s dhjetë vjet më parë. Gjatë qëndrimit në Shtetet e Bashkuara, Ademi do të marrë pjesë në Samitin e FIFA-s në Miami dhe do të ndjekë nga afër disa ndeshje të fazës së grupeve. Ai do të jetë gjithashtu i pranishëm në ndeshjet gjysmëfinale dhe finale të Kupës së Botës, përpara se të rikthehet në Kosovë.