Albion Rrahmani ka shënuar një gol të rëndësishëm për Sparta Pragën në ndeshjen e fundit të kampionatit çek, duke ndihmuar skuadrën të fitojë 2:1 ndaj Hradec Kralove. Goli erdhi vetëm tri minuta pas fillimit të pjesës së dytë, pas një asistimi të Zelenyt, duke rikthyer epërsinë për vendasit. Me këtë gol, Rrahmani përfundon sezonin me 11 gola dhe 3 asistime në 34 ndeshje, duke u shpallur më i miri i ndeshjes së fundit. Sparta Pragë u rendit në vendin e dytë në kampionat, ndërsa titulli i kampionit shkoi te Slavia.