Pas më shumë se gjashtë vitesh dhe mbi 250 paraqitjesh me fanellën bardhekaltër, Almir Ajzeraj do të largohet nga Drita në fund të sezonit. Sulmuesi prishtinas është një nga figurat më të rëndësishme të klubit, duke fituar tre tituj kampioni, Superkupën dhe duke ndihmuar Dritën të arrijë play-offin në Ligën e Konferencës, përfshirë fitoren historike ndaj Shelborune. Klubi e falenderon Ajzerajn për kontributin e tij të jashtëzakonshëm dhe e konsideron atë një legjendë dhe simbol të besnikërisë bardhekaltër. Largimi i tij shënon fundin e një epoke të suksesshme dhe hap një kapitull të ri për skuadrën gjilane.