KB Bashkimi i Prizrenit ka vazhduar përgatitjet intensive për sezonin e ri në Superligën e Kosovës në basketboll duke zyrtarizuar përforcimin e ri, Arian Azemin. Ky fundor me eksperiencë në skuadra të ndryshme kosovare ka nënshkruar një kontratë dyvjeçare me klubin prizrenas dhe pritet të jetë një nga armët kryesore të trajnerit Igor Jovoviq. Azemi është përforcimi i tretë pas Divine Myles dhe Adrio Bailey, ndërkohë që Bashkimi ka rinovuar edhe me disa lojtarë kyç si Shanon Shorter, Lejson Zeqiri dhe Valon Bunjaku. Pas një sezoni ku arriti në finale të Kupës dhe play-off, Bashkimi synon të jetë një nga pretendentët kryesorë për trofetë në basketbollin kosovar.