Jose Mourinho u pa në Berlin gjatë finales së Kupës së Gjermanisë për të ndjekur nga afër Michael Olisen, yllin e Bayernit që ka shkëlqyer këtë sezon në Bundesligë. Trajneri portugez, i cili pritet të marrë drejtimin e Real Madridit, shihet si një admirues i Olises dhe mund ta kërkojë atë në merkato gjatë verës. Megjithatë, Bayerni ka hedhur poshtë çdo mundësi shitjeje, me presidentin nderi Uli Hoeneß që e konsideron Olisen të pashitshëm dhe i ka bërë të qarta qëndrimet e tij Mourinhos. Olise ka pasur një sezon të jashtëzakonshëm, me 22 gola dhe 30 asistime në 52 ndeshje, duke qenë një nga lojtarët më të rëndësishëm të Bayernit, përfshirë edhe në Ligën e Kampionëve ku ndihmoi në eliminimin e Real Madridit.