Behar Maliqi, ish-futbollisti dhe ndihmëstrajneri i FC Prishtina, ka njoftuar largimin e tij nga klubi pas dy viteve bashkëpunim. Ai e bëri këtë të ditur përmes një postimi në Facebook, ku falënderoi ish-kryetarin Rrahman Haradinaj, drejtorin sportiv dhe aktualisht kryetarin Driton Krasniqi, trajnerët dhe lojtarët me të cilët ka punuar. Një falënderim i veçantë u drejtua edhe për tifozët “Plisat” për mbështetjen e vazhdueshme gjatë periudhës së tij në klub. Maliqi uroi klubin për shumë suksese në të ardhmen, duke lënë të hapur rrugën për zhvillime të reja në karrierën e tij.