Sezoni i Serie A në Itali arrin kulmin sonte me xhiron e 38-të, që do të përcaktojë ekipet që do të kualifikohen në Ligën e Kampionëve dhe skuadrën që do të bie nga elita. Milan dhe Roma janë në pozita të favorshme, pasi një fitore në ndeshjet përkatëse ndaj Cagliarit dhe Hellas Veronës do t’i çojë matematikisht në Champions League. Juventus, pas humbjes ndaj Fiorentinës, duhet të fitojë derbin ndaj Torinos dhe të shpresojë në gabime të rivalëve për të mbajtur gjallë shpresat evropiane. Në anën tjetër, beteja për mbijetesë është po aq dramatike, me Lecce që ka avantazhin për të siguruar qëndrimin në Serie A nëse fiton ndaj Genoas, ndërsa Cremonese duhet të triumfojë kundër Como-s dhe të shpresojë në ndaljen e Lecces për të mbetur në elitë. Ndeshjet e fundit transmetohen në ArtMotion dhe priten me shumë tension dhe emocione.