FIFA ka vendosur të ndajë një fond rekord prej rreth 355 milionë dollarësh për klubet që lejojnë futbollistët e tyre të marrin pjesë në Kupën e Botës 2026. Në kuadër të programit “FIFA Benefits”, çdo klub do të marrë të paktën 5 mijë dollarë në ditë për çdo lojtar të grumbulluar nga kombëtarja gjatë turneut, me bonuse shtesë që varen nga minuta e luajtura dhe aktivizimet në ndeshje. Kjo shumë është rritur me rreth 70% krahasuar me Botërorin 2022, duke reflektuar përpjekjet e FIFA-s për të kompensuar klubet për kontributin e tyre. Një pjesë e konsiderueshme e fondit është dedikuar edhe për periudhën e ndeshjeve kualifikuese, ndërsa shuma përfundimtare që do të marrë secili klub do të përcaktohet pas përfundimit të turneut.