Elseid Hysaj ka konfirmuar largimin e tij nga Lazio pas pesë viteve bashkëpunim me klubin kryeqytetas. Mbrojtësi shqiptar, i cili u aktivizua vetëm në pesë ndeshje gjatë sezonit të fundit, i dha lamtumirën klubit përmes një postimi në rrjetet sociale ku shprehu falënderimet për shokët e ekipit, tifozët dhe qytetin e Romës. Ai theksoi se ka qenë një periudhë intensive me momente të bukura dhe të vështira, por gjithmonë ka dhënë maksimumin me profesionalizëm dhe respekt. Lazio konfirmoi vendimin për të mos i rinovuar kontratën 32-vjeçarit, i cili ka mbajtur një rol të rëndësishëm në skuadër gjatë këtyre viteve.