Juventusi po intensifikon përpjekjet për të transferuar Emiliano Martinezin, portierin e Aston Villas dhe fituesin e Kupës së Botës, gjatë afatit kalimtar të verës. Klubi bardhezi e ka bërë këtë transferim prioritet pas dështimit të opsioneve të tjera, duke hyrë në bisedime më konkrete me agjentët e gardianit argjentinas. Megjithatë, paga e lartë e Martinezit përbën një pengesë të madhe, pasi tejkalon kufijtë financiarë të Juventusit. Në rast se marrëveshja nuk arrihet, alternativa e tyre mbetet portieri italian Guglielmo Vicario, ndërsa ditët e ardhshme pritet të jenë vendimtare për fatin e këtij transferimi.