Harry Kane po shkëlqen me Bayernin që nga ardhja e tij në vitin 2023, duke fituar trofe që nuk arriti me Tottenhamin dhe duke shënuar 61 gola në 51 ndeshje. Barcelona kishte shfaqur interes për ta transferuar si zëvendësues të Lewandowskit, i cili pritet të largohet nga klubi katalanas. Megjithatë, Uli Hoeneß, legjendë dhe ish-president i Bayernit, ka hedhur poshtë mundësinë e largimit të Kane, duke theksuar se Barcelona nuk ka fonde për ta blerë atë. Ai e cilësoi Kane si një nga transferimet më të mira të Bayernit dhe konfirmoi se sulmuesi anglez do të qëndrojë në Mynih.