Mallorca pësoi një humbje të rëndë 3:1 ndaj Getafes në javën e 36-të të La Ligës, duke vënë në rrezik serioz mbijetesën në elitën e futbollit spanjoll. Me 39 pikë, skuadra e Vedat Muriqit ndodhet në vendin e 17-të, vetëm një pikë mbi zonën e rënies, ku ndodhen Girona dhe Levante. Nëse Girona fiton ndeshjen e saj, Mallorca do të bjerë në pozitën e 18-të, që do të thotë rënie nga liga. E gjithë shpresa për mbijetesë është e lidhur me dy ndeshjet e fundit, ku Mallorca do të përballet si mysafire me Levanten, një tjetër skuadër që lufton për mbijetesë, ndërsa e ardhmja e Muriqit në skuadër mbetet e pasigurt.