Manchester United po përparon me shpejtësi në merkato, duke qenë shumë pranë finalizimit të dy transferimeve të rëndësishme për mesfushën e tyre. Klubi anglez është në faza të avancuara të negociatave me Atalantën për mesfushorin brazilian Ederson, i cili i ka dhënë përparësi kalimit në “Old Trafford” dhe pritet të sjellë energji dhe kreativitet në repartin qendror. Në të njëjtën kohë, United po negocion me Newcastle United për Sandro Tonalin, i cili shihet si zëvendësues ideal i Casemiro dhe ka preferuar ofertën e “Djajve të Kuq” përballë Juventusit. Këto lëvizje tregojnë se drejtuesit e Manchester United po punojnë intensivisht për të rindërtuar mesfushën, duke synuar forcimin e skuadrës për sezonin e ardhshëm.