Manchester United është në kërkim të një mesfushori të ri defensiv për të zëvendësuar Casemiron, i cili ka lënë një boshllëk të rëndësishëm në mesfushën e skuadrës. Klubi anglez ka riaktivizuar interesimin për Carlos Baleba, 22-vjeçarin nga Brighton, i cili shihet si një opsion premtues dhe është i hapur për një kalim te “Djajtë e Kuq”. Megjithatë, çmimi i lartë i kërkuar nga Brighton, që arrin deri në 100 milionë euro, mbetet një sfidë për Manchester United. Lojtari është i lidhur me Brighton deri në vitin 2028, por dëshira e tij për një hap të ri në karrierë mund të ndikojë në uljen e kërkesave financiare dhe në finalizimin e transferimit gjatë merkatos verore.