Milan po synon transferimin e Andreas Christensen, mbrojtësit danez të Barcelonës, i cili ka kontratën në skadencë më 30 qershor dhe mund të vijë si lojtar i lirë. Klubi italian vlerëson përvojën dhe cilësitë e tij, duke e parë si një mundësi për të forcuar mbrojtjen pa shpenzuar shumë, pasi danezi kërkon një pagë vjetore prej 3-4 milionë eurosh. Megjithatë, Barcelona po punon për rinovimin e kontratës me Christensen, i cili ka një marrëveshje verbale me katalanasit dhe mbetet një pjesë e rëndësishme në planet e trajnerit Hansi Flick. Në anën tjetër, mosha e 30-vjeçarit dhe situata e pasigurtë financiare dhe drejtuese në Milan janë faktorë që mund të ndikojnë në vendimin përfundimtar të mbrojtësit dhe klubit italian.