KF Prishtina e Re reagoi ashpër pas humbjes 2:3 ndaj Dukagjinit në ndeshjen e fundit të sezonit, duke akuzuar arbitrimin dhe duke e quajtur atë një “maskaradë” në futbollin kosovar. Klubi theksoi se, pavarësisht rënies matematikore nga liga, synimi ishte të mbyllej kampionati me dinjitet dhe lojë të ndershme deri në fund. Në deklaratën publike u përmend me emër gjyqtari Mervan Bejtullahu, i cilësuar si protagonist i vendimeve të kontestuara gjatë ndeshjes. Prishtina e Re kërkoi falje nga tifozët dhe familjarët, duke e cilësuar atë ndeshje si një “skeç humoristik” larg frymës së sportit dhe drejtësisë sportive.