Klubet e Superligës së Arabisë Saudite, Al-Hilal dhe Al-Nassr, po përgatitin një ofertë prej 80 milionë eurosh për transferimin e Raphinhas nga Barcelona këtë verë. Me mbështetjen e fondit sovran PIF, ata janë gati të katërfishojnë pagën aktuale të brazilianit, duke i ofruar rreth 48 milionë euro në sezon, një shifër shumë më të lartë se ajo që fiton aktualisht te katalanasit. Megjithatë, Barcelona e konsideron Raphinhën si një lojtar kyç dhe pjesë të rëndësishme të planeve të trajnerit Hansi Flick, i cili e ka shfrytëzuar si një nga elementët kryesorë për fitimin e dy titujve të La Ligës në dy sezonet e fundit. Ndërkohë, braziliani ka reflektuar mbi të ardhmen e tij pas një sezoni me vështirësi dhe lëndime, ndërsa klubet saudite shpresojnë që kjo situatë t’i hapë rrugë një transferimi të madh, ku ai mund të bashkohet me yje të mëdhenj si Cristiano Ronaldo, Sadio Mane dhe Joao Felix.