Real Madrid do të mbajë zgjedhje të vërteta elektorale për presidentin e klubit për herë të parë pas 20 vitesh, pasi Florentino Perez nuk do të jetë më kandidati i vetëm. Kjo situatë u konfirmua me pranimin zyrtar të kandidaturës së biznesmenit 37-vjeçar Enrique Riquelme, i cili do të sfidojë Perezin në garën për presidencën. Riquelme është pronar i 75% të aksioneve të kompanisë “Cox Energy Group”, një kompani me operacione në 30 shtete dhe 15 mijë punonjës. Bordi zgjedhor i Real Madridit ka afat deri në 15 ditë për të caktuar datën e zgjedhjeve, të cilat do të jenë të para që nga viti 2006, kur u zgjodh Ramon Calderon pas dorëheqjes së Perezit.