Kombëtarja e Spanjës ka përfunduar përgatitjet për Kupën e Botës me një fitore 3:1 ndaj Perusë në një ndeshje miqësore të zhvilluar në Puebla të Meksikës. Golat për Spanjën i shënuan Mikel Oyarzabal, Pedri dhe një autogol i portierit peruan Pedro Gallese, ndërsa për Perunë shënoi Velez. Ndeshja u zhvillua me mungesa të rëndësishme në skuadër, pasi Lamine Yamal, Nico Williams dhe Victor Munoz munguan për shkak të lëndimeve, por trajneri Luis de la Fuente theksoi se ata mund të jenë gati për ndeshjen hapëse ndaj Kepit të Gjelbër më 15 qershor. Megjithatë, cilësia e skuadrës spanjolle është e tillë që prania e tyre nuk është domosdoshmëri për sukses në Botëror.