Një tërmet me magnitudë 6.1 ballë të shkallës Rihter goditi zonën pranë kampit të Kombëtares së Anglisë në Florida, vetëm pak ditë para ndeshjes miqësore kundër Kosta Rikës dhe fillimit të Kupës së Botës 2026. Lëkundjet u ndjenë fuqishëm në West Palm Beach dhe rajone të tjera të Floridës, duke shkaktuar panik dhe evakuime të përkohshme në disa ndërtesa, megjithatë pa dëme serioze apo viktima. Ky tërmet konsiderohet më i fuqishmi në zonën e Gjirit të Meksikës në afro 150 vjet dhe epiqendra e tij ishte në perëndim të Kubës. Pas këtij incidenti, skuadra e drejtuar nga Thomas Tuchel do të vazhdojë përgatitjet e saj duke u zhvendosur në Kansas City për fazën finale para fillimit të turneut.