Tottenham Hotspur po planifikon ndryshime të mëdha në repartin defensiv këtë verë, duke e vendosur Gleison Bremer si objektivin kryesor për të zëvendësuar Cristian Romeron nëse ky i fundit largohet. Klubi londinez po shqyrton një ofertë që përfshin portierin Guglielmo Vicario për të ulur koston e transferimit të mbrojtësit brazilian nga Juventusi, i cili ka një klauzolë lirimi prej 58 milionë eurosh. Juventus, nga ana tjetër, po kërkon të përforcojë pozitën e portierit dhe ka në fokus Emiliano Martinez nga Aston Villa, megjithëse realizimi i këtij transferimi pritet të jetë i vështirë. Nëse Romero largohet, Tottenham do të intensifikojë përpjekjet për Bremerin, duke e bërë këtë shkëmbim një nga temat kryesore të merkatos së verës.