Ambasadorja e Shqipërisë në Izrael, Meri Kumbe, ka bërë të ditur se aktualisht nuk ka shqiptarë në situatë rreziku, por 13 persona, kryesisht turistë, studentë dhe prindër me fëmijë të vegjël, kanë kërkuar ndihmë për t’u larguar nga Izraeli për shkak të tensioneve në Lindjen e Mesme. Ambasada është në kontakt të vazhdueshëm me ta dhe po ofron informacion mbi rrugët e mundshme të daljes, duke theksuar se aeroporti ndërkombëtar Ben Gurion është i mbyllur dhe dalja nga vendi mund të bëhet vetëm përmes kufijve tokësorë nëpërmjet Jordanisë ose Egjiptit.